Njësia Speciale zbarkon në objektin e disa agjencive të shtetit

Njësia Speciale e Policisë së Kosovës ka ndërmarrë një aksion të befasishëm në orët e para të mëngjesit të së mërkurës, duke bastisur një objekt shtetëror në Prishtinë, ku ndodhen disa agjenci qendrore të shtetit.

Ndër institucionet që operojnë në këtë objekt janë Agjencia Kadastrale e Kosovës, Agjencia Shtetërore e Arkivave, si dhe Instituti për Krime të Kryera gjatë Luftës në Kosovë.

Në pamjet e publikuara, në oborrin e objektit janë parë forca të Njësisë Speciale të armatosura, ndërsa nuk është bërë ende e ditur se në cilën nga këto agjenci po zhvillohet bastisja dhe cilat janë arsyet që qëndrojnë prapa këtij aksioni.