Po vjen fronti i fuqishëm – në orët vijuese rrebeshe lokale, rrufe dhe stuhi ere deri në 100 km/h

Një front i fuqishëm ka filluar të prekë territorin e Kosovës në skajin verior, i cili po karakterizohet me rrebeshe lokale shiu, shkarkesa rrufesh dhe erëra të forta.

Ndërsa fronti i ftohtë përparon, reshjet pritet të humbasin intensitetin para se të arrijnë jugun e vendit. Megjithatë, stuhia e erës do të vazhdojë të jetë e pranishme, me erëra që mund të arrijnë deri në 100 km/h, duke sjellë rrezik për dëme lokale.

Erërat me shpejtësi deri në 100 km/h mund të shkaktojnë dëme serioze, si rrëzime pemësh dhe degësh, dëmtime në çati dhe dritaresh, ndërprerje të energjisë elektrike, si dhe vështirësi në qarkullim dhe rrezik për këmbësorët. /MeteoKosova/