Sindikata e Arsimit e ka lënë të hapur mundësinë për protesta e greva në shtator.

Kjo sipas tyre, nëse qeveria e re refuzon dialogun me Sindikatat.

“Urojmë që qeveria e re e formuar të mos jetë me një qasje të njëjtë, por t’i jep hapësirë dialogut…Kemi një vërejtje të madhe për qeverinë, ngase edhe pse Kushtetuesja kishte vendosur që e padrejta e bërë që në vend të 0.5 për vitet e shërbimit, ata e kishin zvogëluar në 0.25, Kushtetuesja i kishte obliguar të kthejë 0.5 por nuk e kanë bërë.

Qeveria Kurti i beson dhe e do Kushtetuesen kur i duhet, ndërsa e kundërshton dhe nuk realizon kur nuk i pëlqejnë vendimet e saj.

Kongresi ka autorizuar kryesinë dhe këshillin drejtues që varësisht nga situatat e krijuara të vendoset në të ardhmen duke mos përjashtuar edhe veprimet sindikale që nënkuptojnë protesta, por duke mos e mohuar as grevën e përgjithshme në qoftë se krijohen institucionet dhe ato vazhdojnë të njëjtën veprim siç ka bërë Qeveria Kurti 2 duke mohuar çdo mundësi të dialogut.

Por nëse dialogu do të mungojë me institucionet e reja të krijuara, atëherë ne nuk i ikim vendimit të kongresit dhe do të mendojmë çka tutje, duke mos e përjashtuar edhe grevën e përgjithshme që mund të ndodh në shtator në qoftë se institucionet e krijuara do të vazhdojnë të njëjtin veprim, duke mohuar dialogun, duke shkelur kërkesat e sindikatës”, ka thënë Rrahman Jasharaj.