A po largohet Lladrovci nga PDK
Sipas një raportimi të mediumit lokal Fakte për Drenasin, Ramiz Lladrovci ka nisur në heshtje krijimin e një iniciative të re politike në Drenas me emrin “Për Drenasin Kampion me Ramiz Lladrovcin”, duke e ndarë përfundimisht rrugën me Partinë Demokratike të Kosovës. Burime të sigurta brenda shtabit të tij kanë konfirmuar se bartës i listës do të jetë Ekrem Elshani, përcjell rajoni.org.
Sipas po të njëjtave burime, pjesë e listës janë pjesa më e madhe e drejtorëve aktualë të komunës si dhe staf i administratës komunale.
Ky zhvillim vjen pas një sërë deklaratash kontradiktore të vetë Lladrovcit muajve të fundit, ku ka akuzuar publikisht PDK-në për sabotim.
Ai kishte pohuar se “PDK po dëshiron me më luftu më shumë se kundërshtarët” dhe “janë vet tanët që po më sulmojnë nga prapa”.
Sipas kësaj liste,duke se Lladrovci ka marrë mesazhin final se nuk do të jetë kandidati i PDK-së për zgjedhjet lokale, dhe si rrjedhojë, ka nisur një plan të pavarur politik për të ruajtur pushtetin e tij në Drenas.
Megjithatë, pyetja që mbetet pa përgjigje është: A është kjo ndarje përfundimtare nga PDK, apo vetëm një levë presioni për të imponuar kandidaturën e tij brenda partisë?
