Pamje nga shpërthimi i fuqishëm në Gjermani

Një incident i rëndë ka ndodhur mbrëmjen e së enjtes gjatë panairit të madh tradicional në Düsseldorf, Gjermani, shkruan PodujevaSot.

Gjatë një shfaqjeje fishekzjarrësh, një pjesë e mjetit piroteknik ka shpërthyer në drejtim të turmës së shikuesve, duke shkaktuar panik dhe disa të plagosur.

Sipas raportimeve të para, të paktën gjashtë persona janë lënduar nga shpërthimi, përfshirë edhe një fëmijë. Katër prej tyre kanë pasur nevojë për ndihmë mjekësore profesionale.

Dëshmitarët thanë se ndjenë një nxehtësi të madhe dhe panë flakë që vinin drejt njerëzve.

“Një fishekzjarr u drejtua papritur nga publiku dhe shpërtheu në mes të turmës”, tha një prej të pranishmëve.

Policia gjermane ka konfirmuar se ka nisur hetimet për të kuptuar arsyet e incidentit dhe nëse ka pasur shkelje të rregullave të sigurisë nga organizatorët apo kompania piroteknike.

Panairi i Düsseldorfit është një nga më të mëdhenjtë në rajon dhe tërheq mijëra vizitorë çdo vit.

Pas incidentit, organizatorët thanë se janë të tronditur dhe do të bashkëpunojnë ngushtë me autoritetet për të zbardhur plotësisht rastin./PodujevaSot