Lajmi i fundit: Amerikë – Vetura përplas turmën në Los Angeles, 31 të lënduar

Më shumë se 30 persona janë lënduar pasi një automjet u përplas me një turmë në East Hollywood, mëngjesin e së shtunës, ka bërë të ditur Departamenti i Zjarrfikësve të Los Angelesit (LAFD).

Incidenti ndodhi rreth orës 2 të mëngjesit me kohën lokale, pranë West Santa Monica Boulevard, në një zonë ku ndodhet një lokal muzikor.

Sipas vlerësimeve fillestare të ekipeve të emergjencës 4 deri në 5 persona janë në gjendje kritike, 8 deri në 10 në gjendje të rëndë dhe 10 deri në 15 të tjerë në gjendje të qëndrueshme.

Hetimet për rastin po vazhdojnë.