Mehmetaj: Edhe këshilltari i Hekuran Muratit i përfshirë në shit-blerje të energjisë elektrike

Postimi i Lirim Mehmetajt:

Edhe këshilltari i Hekuran Muratit i përfshirë në shit-blerje të energjisë elektrike

Përveç vëllait të Luan Dalipit, edhe këshilltari i Hekuran Muratit do të jetë pjesë e kompanisë që sapo ka fituar licencën për t’u marrë me shit-blerje të energjisë elektrike.

Blirind Danjolli, këshilltari i Hekuran Muratit do të ketë pozitën e Tregtarit të Energjisë dhe Analistit në kompaninë e sapothemeluar për tregtim të energjisë elektrike “MDA Energy”.

Çka po ua merr mendja, a është rastësi që vëllai i shefit të kabinetit të Albin Kurtit dhe këshilltari i Hekuran Muratit bashkohen për t’u marrë me tregtim të energjisë?

A ju kujtohet kur Martin Berishaj thoshte se unë jam paguar shumë nga GEN-i Beograd, sepse paguhesh shumë kur ke informata dhe i di lëvizjet e qeverive në drejtim të resurseve dhe investimeve në energji.

Normalisht që ne të gjithë e dimë që kjo kompani e re që merret me energjinë këshilltarin e Muratit dhe vëllain e Luan Dalipit i ka vetëm maskë.

Kompania normalisht që është e vet Dalipit e Muratit.

Brezat e Kosovës nuk do t’ia falin kurrë kësaj kaste politike që e uzurpoi shtetin si armik dhe më pas e gjymtoi si kasap.

Gjykimi i popullit mund të vonojë, por vjen. Të jeni të sigurt që vjen.