Rast i dyshimtë: Një person dërgohet i plagosur në spital, më pas vdes

Një rast i dyshimtë ka ndodhur në Prizren.

Një qytetar ishte dërguar i plagosur në spital, dhe më pas kishte vdekur. Në vendin e ngjarjes Policia kishte gjetur pistoletë, pushkë gjuetie e dylbi.

Njoftimi:

Prizren / 20.07.2025 – 11:25. Është raportuar se një viktimë mashkull kosovar ishte dërguar në emergjencën e spitalit në Prizren i plagosur. Nga mjeku kujdestar është konstatuar vdekja e tij.

Njësitë relevante të policisë kanë dalë në vendin e ngjarjes ku kanë gjetur një pistoletë me 8 copë fishekë, një gëzhojë fisheku dhe një predhë, po ashtu një pushkë gjuetie me dylbi me 12 copë fishekë, për të cilat armë viktima posedonte leje.

Armët janë konfiskuar nga njësitet policore, ndërsa trupi i pajetë i viktimës me urdhër të prokurorit është dërguar në IML për obduksion. Rasti është duke u hetuar.