Rrahje dhe fyerje në një banesë në Prishtinë – e reja denoncon të dashurin për dhunë
Një rast i rëndë i dhunës në familje është raportuar mëngjesin e sotëm në Prishtinë, ku një vajzë ka denoncuar të dashurin e saj për sulm fizik dhe ofendime.
Burime të Gazetës Sinjali bëjnë me dije se rreth orës 06:00 të datës 21 korrik 2025, G.S. ka njoftuar Policinë se është sulmuar nga i dashuri i saj, A.D. në banesën e këtij të fundit në rrugën “Smajl Dumoshi”.
Sipas deklarimeve të viktimës, ata janë takuar në ora 04:30 dhe kanë shkuar në banesën e të dyshuarit, ku pas një mosmarrëveshjeje, ai është bërë agresiv dhe e ka goditur tri herë me grusht në kokë, si dhe e ka fyer rëndë me fjalë ofenduese.
Prokurori kompetent është njoftuar për rastin dhe ka urdhëruar që të iniciohet si vepër penale “Dhunë në familje”, ndërsa pas intervistimit të të dyshuarit, ai do të vendosë për veprimet e mëtutjeshme.
Policia e Kosovës po merret me hetimin.
