KFOR-i vendos shenja të reja përgjatë kufirit me Serbinë
Misioni paqeruajtës ndërkombëtar në Kosovë, KFOR-i, ka njoftuar se ka filluar të përmirësojë dukshmërinë përgjatë gjithë vijës kufitare mes Kosovës dhe Serbisë, vijë të cilës ky mision i referohet si: Vijë Kufitare Administrative (ABL).
Sipas njoftimit, tashmë janë vendosur shenja të reja paralajmëruese dhe janë rinovuar disa nga ato më të vjetrat.
“Qëllimi është të zvogëlohet rreziku i kalimeve të paqëllimshme”, tha KFOR-i, duke theksuar se vendosja e tyre shërben si shenjë paralajmërimi për njerëzit se po i afrohen kufirit.
“Një aktivitet i tillë pasqyron angazhimin e paanshëm të KFOR-it për një mjedis të sigurt për të gjitha komunitetet në Kosovë”, u tha në njoftim.
Më poshtë pamjet:
