Familja nga Kosova aksidentohen në Shqipëri

Një aksident me pasojë lëndimin e 4 anëtarëve të një familje nga Kosova ka ndodhur mëngjesin e së martës në aksin rrugor “Shëngjin-Velipojë”.

Policia tha se aksidenti ndodhi në fshatin Rrjoll, ku shtetasi kosovar J. B., duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga dhe është përplasur me një dyqan.

Nga aksidenti janë dëmtuar drejtuesi i automjetit, shtetasi J. B., dhe 3 pasagjerë (familjarë të tij), të cilët janë dërguar për mjekim, në spital, dhe janë jashtë rrezikut për jetën.

Grupi hetimor po punon për zbardhjen e rrethanave të aksidentit.