43 vjeçari aksidentohet për vdekje në rrugën e Arbrit

Një aksident i rëndë ka ndodhur sot në rrugën e Arbrit, në dalje të qytetit të Peshkopisë, ku një 43-vjeçar ka humbur kontrollin e mjetit dhe si pasojë e plagëve të marra ka ndërruar jetë.

Ngjarja ka ndodhur rreth orës 10:00, kur mjeti ka dalë nga rruga dhe ka rënë disa metra poshtë saj. Fillimisht, viktima është dërguar me shenja jete në spitalin e Dibrës, por mësohet se ka ndërruar jetë gjatë transportit për në Spitalin e Traumës në Tiranë.

Viktima është Bledar Spahiu, punonjës i Agjencisë së Zonave të Mbrojtura në Dibër (ADZM Dibër). Ai ishte nisur drejt Peshkopisë për t’iu bashkuar ekipeve zjarrfikëse në përpjekje për shuarjen e zjarrit në Parkun Kombëtar “Lurë – Mali Dejës”.

Njoftimi i policisë:

“Rreth orës 10:00, në dalje të qytetit të Peshkopisë, shtetasi B.S., dyshohet se ka humbur kontrollin mbi drejtimin e automjetit dhe automjeti ka dalë nga rruga duke rënë disa metra poshtë saj. Si pasojë e dëmtimeve të marra, drejtuesi i automjetit ka humbur jetën, gjatë transportimit për në spitalin e Traumës Tiranë”.