Ekskluzive: Kanoset gjyqtari mbikëqyrës i Gjykatës

Një incident  ka ndodhur sot brenda ambienteve të Gjykatës Themelore – Dega në Vushtrri, ku një gjyqtar, i cili mban edhe pozitën e përgjegjësit të gjykatës, është kanosur nga një qytetar, raporton Gazeta Sinjali.

Burime të sigurta të Sinjalit bëjnë me dije se ngjarja ka ndodhur më 23 korrik 2025, rreth orës 11:30, në momentin kur po përfundonte një seancë gjyqësore.

I dyshuari, i identifikuar si Bedri Halili, ka reaguar me nervozizëm, ka përplasur një laps në tavolinë dhe, duke dalë nga salla e gjyqit, ka kanosur verbalish gjyqtarin, për çka ky i fundit ka paraqitur menjëherë denoncim për kanosje.

I dyshuari është shoqëruar për intervistim dhe ndaj tij është iniciuar rast për veprën penale “Kanosje”, ndërsa me vendim të prokurorit, është liruar në procedurë të rregullt.

Rasti është në trajtim dhe pritet të sqarohet edhe më tej nga organet kompetente.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.