EKSKLUZIVE: Katër të ndaluar – dyshohen për keqpërdorim të pozitës zyrtare

Gazeta Sinjali mëson ekskluzivisht se Prokuroria ka urdhëruar ndalimin e katër personave, të cilët dyshohen për veprën penale “Keqpërdorim i pozitës apo autoritetit zyrtar”.

Sipas burimeve të Sinjalit brenda organeve të Prokurorisë, të dyshuarit janë zyrtarë të institucioneve lokale, drejtorë dhe ish drejtorë komunal dhe janë ndaluar pas një hetimi paraprak që ka zbuluar veprime të dyshimta që bien ndesh me ligjin.

Arrestimet janë kryer gjatë ditës së sotme nga Njësia për Krime Ekonomike në bashkëpunim me Prokurorinë dhe ndaj të ndaluarve është shqiptuar masa e ndalimit prej 48 orësh.

Hetimet janë në fazën fillestare, ndërsa sipas informacioneve, dyshohet se veprimet e tyre lidhen me keqpërdorim të kompetencave në dëm të buxhetit apo funksionit publik që ushtronin.