Gruaja humb jetën pasi u përplas aksidentalisht nga bashkëshorti
Një ngjarje tragjike ka ndodhur pasditen e sotme në fshatin Hotesh të Dibrës, ku një grua ka humbur jetën pasi u përplas aksidentalisht nga bashkëshorti i saj në oborrin e banesës.
Sipas burimeve zyrtare nga policia, ngjarja ndodhi rreth orës 15:50, kur Hajri Çera, duke manovruar makinën në oborr, dyshohet se ka humbur kontrollin dhe automjeti është përmbysur duke goditur Arta Çerën, e cila ndodhej në pjesën e jashtme të oborrit.
Të dy bashkëshortët kanë pësuar lëndime dhe janë transportuar me helikopter drejt Spitalit të Traumës në Tiranë. Fatkeqësisht, Arta Çera nuk ka mundur t’i mbijetojë plagëve të marra, ndërsa gjendja shëndetësore e bashkëshortit të saj mbetet ende e paqartë.
Hetimet pritet të zbardhin më shumë për rrethanat e ngjarjes.
