Gjendet gruaja e raportuar e zhdukur, e zhdukur prej dy muaj
Policia e Kosovës ka njoftuar se ka arritur të lokalizojë dhe të rikthejë në familje një femër 32-vjeçare nga fshati Reqan i Prizrenit, e cila ishte raportuar e zhdukur para disa ditësh.
Gruaja kishte qëndruar larg shtëpisë për rreth dy muaj, duke mos pasur kontakte me familjarët e saj.
Sipas Policisë, personi në fjalë ndodhet në gjendje të mirë shëndetësore.
“Më 24 korrik 2025, autoritetet kanë arritur ta gjejnë dhe ta kthejnë në familje personin në fjalë, në gjendje të mirë shëndetësore dhe e njëjta ka deklaruar se vullnetarisht ka qëndruar larg shtëpisë,” thuhet në njoftim.
Familjarët tregojnë se gruaja kishte probleme me shëndetin mendor dhe më parë kishte pasur raste të largimit nga shtëpia, megjithatë mbante kontakte telefonike me familjen, të cilat munguan vetëm gjatë dy muajve të fundit.
Menjëherë pas raportimit, Policia kishte nisur hetimet dhe operacionet për gjetjen e saj, duke e hapur rastin si “Person i zhdukur” dhe ndërmarrë të gjitha veprimet e nevojshme për kthimin e saj të sigurt.
