Burri i dehur rrah gruan, ndërhyn Policia

Gazeta Sinjali mëson ekskluzivisht për një rast të rëndë dhune në familje që ka ndodhur pasditen e djeshme në fshatin Kramovik të Komunës së Rahovecit, ku një grua ka raportuar në Polici se është dhunuar nga bashkëshorti i saj.

Sipas burimeve të Sinjalit, rasti është iniciuar më 24 korrik 2025, rreth orës 19:00, pasi viktima, N.Th. rreth 45-vjeçare, ka telefonuar Policinë për të kërkuar ndihmë, duke deklaruar se ishte përjetuar dhunë fizike dhe psikike nga burri i saj, Xh.Th. rreth 40-vjeçar.

Njësitet policore kanë reaguar menjëherë dhe kanë ofruar siguri viktimës, e cila është dërguar në QKMF-Rahovec për trajtim mjekësor.

Ndërkohë, i dyshuari është shoqëruar në Stacionin Policor në Rahovec, ku pas testimit me alkoolmatës ka rezultuar se ishte nën ndikimin e alkoolit me 0.65 promilë.

Me vendim të Prokurorit të Shtetit, ndaj të dyshuarit është caktuar masa e ndalimit policor.

Ndërkohë, pas intervistimit nga hetuesi i specializuar për dhunë në familje, viktima është kthyer në shtëpinë e saj së bashku me tre fëmijët, në fshatin Kramovik. Rasti është në trajtim nga Policia e Kosovës dhe organet e drejtësisë.