LAJMI I FUNDIT: Treni godet për vdekje babain dhe të birin në Gjermani

Një aksident i rëndë ka ndodhur në Bad Zwischenahn, Niedersachsen të Gjermanisë, ku një tren Regionalexpress ka goditur një makinë në një kalim hekurudhor.

Nga përplasja humbën jetën një burrë 49-vjeçar dhe djali i tij 12-vjeçar.

Treni e ka tërhequr automjetin për rreth 300 metra përpara se të ndalej.

Policia po heton nëse në momentin e aksidentit shkallët e kalimit hekurudhor ishin të mbyllura apo jo, dhe nëse ka pasur ndonjë defekt teknik.

Në tren ndodheshin rreth 240 pasagjerë, të cilët nuk u plagosën rëndë, por u evakuuan dhe u trajtuan në vendin e ngjarjes.

Lokomotivisti pësoi shok emocional.

Ky është aksidenti i dytë i rëndë hekurudhor në Gjermani brenda disa ditësh, pas një përplasjeje tjetër më 27 korrik ku humbën jetën tre persona.