Komandanti gjerman i thotë serbit: “Ke 30 minuta të largohesh” – Pamje që poshtëruan ushtrinë serbe në Kosovë

Teksa grupe të armatosura paramilitare serbe shfaqeshin në disa zona të Kosovës në vitin 1999, reagimi i KFOR-it ishte i menjëhershëm.

Një prej episodeve më të njohura të asaj kohe është dokumentuar edhe nga mediat ndërkombëtare, ku në një fshat të Prizrenit u dëbuan ushtarët e fundit serbë.

Në qendër të këtij momenti historik ishte komandanti gjerman Helmut Harff, i cili gjatë një debati me një oficer serb e paralajmëroi se koha për t’u larguar nga Kosova kishte mbaruar.

“Ke 30 minuta kohë për të lënë Kosovën,” i tha Harff, e më pas shtoi prerazi: “Këtu mbyllet diskutimi. Tani të kanë mbetur vetëm edhe 28 minuta.”

Pamjet e atyre momenteve tregojnë ushtarët serbë të dorëzuar, që në këmbë marrin rrugën drejt Serbisë.

Helmut Harff shërbeu si komandant i forcave gjermane dhe gjeneral brigade në Kosovë nga dhjetori 1998 deri në qershor 1999.

Ai doli në pension në nëntor të po atij viti dhe ndërroi jetë në shtator 2018.