Podujevë: Arrestohet një person në këtë fshat

Mbrëmjen e djeshme, rreth orës 21:30, në një aheng familjar në fshatin Batllavë të Podujevës është raportuar për të shtëna me armë zjarri.

Ngjarja ka alarmuar njësitë policore, të cilat kanë ndërhyrë menjëherë në koordinim me Prokurorin Kujdestar.

Sipas burimeve nga organet e hetuesisë, një person është identifikuar si i dyshuari që kishte shtënë me armë zjarri.

Ai e ka dorëzuar armën vullnetarisht bashkë me një karikator pa fishek.

I dyshuari është intervistuar në prani të avokatit mbrojtës, ndërsa ndaj tij janë iniciuar procedura penale për veprat “Mbajtje në pronësi, kontroll apo posedim të paautorizuar të armës” dhe “Përdorim i armës”.

Me urdhër të Prokurorit Kujdestar, ai është ndaluar për 48 orë. Rasti po hetohet nga organet kompetente.

PodujevaSot do të ju mbajë të informuar në lidhje me rastin.