LAJMI I FUNDIT: Aksident me fatalitet

Një aksident i rëndë trafiku ka ndodhur me 24 korrik në mbrëmje rreth orës 19:32 në Skenderaj, ku janë përfshirë dy vetura me drejtues meshkuj, njëri shtetas i huaj dhe tjetri shtetas i Kosovës, shkruan rajoni.org

Sipas raportit të Policisë së Kosovës, si pasojë e përplasjes, janë lënduar gjashtë persona – tre femra dhe tre meshkuj, të gjithë shtetas kosovarë. Të lënduarit janë dërguar menjëherë për trajtim mjekësor.

Fatkeqësisht, mjeku kujdestar ka konstatuar vdekjen e njërit prej viktimave – një vajze të mitur, e cila nuk ka arritur t’u mbijetojë plagëve të marra.

Me urdhër të prokurorit të rastit, trupi i pajetë është dërguar në Institutin e Mjekësisë Ligjore për obduksion./Rajoni.org