Ngacmoi seksualisht një të mitur në plazh, arrestohet 20-vjeçari

Policia e Lezhës ka arrestuar një 20-vjeçar nga Tirana, i dyshuar për ngacmim seksual ndaj një vajze të mitur në plazhin e Shëngjinit.

Ngjarja është denoncuar nga një 16-vjeçare, e cila ka deklaruar se një ditë më parë ishte ngacmuar seksualisht nga i riu, teksa ndodhej në zonën bregdetare.

Pas kallëzimit, specialistët për Hetimin e Krimeve të Komisariatit të Policisë Lezhë arrestuan në flagrancë shtetasin K. N., banues në Tiranë.

Policia njoftoi se materialet e rastit i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme ligjore.

Hetimet vazhdojnë për zbardhjen e plotë të rrethanave të kësaj ngjarjeje.

PodujevSot do të ju mbajë të informuar për rastin.