Stadiumi i Llapit do të rinovohet me investim afro 2 milionë euro

Stadiumi “Zahir Pajaziti” do të rinovohet, kështu kanë njoftuar KF Llapit.

Më poshtë postimi:

️ “ ” ̈ . ̈ !

KF Llapi me kënaqësi njofton se Qeveria e Kosovës në mbledhjen e mbajtur sot ka miratuar vendimin për financimin e projektit të rinovimit të stadiumit “Zahir Pajaziti” në Podujevë.

Ky projekt i shumëpritur parasheh ndërtimin e tribunës së re lindore, poashtu mbulesën e të gjitha tribunave dhe instalimin e ndriçimit të fushës sipas standardeve të UEFA-s (Kategoria 3).

Ky investim do të krijojë kushte moderne për zhvillimin e ndeshjeve gjatë mbrëmjeve dhe padyshim që do të ndikojë në rritjen e numrit të tifozëve tanë në stadium.

Falënderojmë Kryeministrin Albin Kurti, Ministrin Hajrulla Çeku dhe Qeverinë e Kosovës për këtë mbështetje për futbollin si sportin kryesor në qytetin tonë.

Për fund, por jo nga rëndësia, në emër të kryesisë së klubit, falënderojmë edhe Kryetarin e Komunës së Podujevës, z. Shpejtim Bulliqi, dhe stafin udhëheqës për gatishmërinë dhe këmbëngulësinë e treguar në dorëzimin e projektit – një hap kyç drejt miratimit të tij sot nga Qeveria e Kosovës.

Ky projekt na motivon edhe më shumë që të vazhdojmë me organizim të fuqishëm dhe me një skuadër të konsoliduar në nivel vendi.

⚪ Urime të gjithë tifozëve ‘Legjendat’, sportdashësve dhe qytetarëve të Podujevës!