Kryetari Bulliqi ka një njoftim për një projekt të rëndësishëm në Podujevë

Kryetari i Podujevës, Shpejtim Bulliqi ka bërë të ditur që stadiumi “Zahir Pajaziti” do të rinovohet.

Më poshtë postimi i Bulliqit:

Stadiumi “Zahir Pajaziti” do të rinovohet me një investim prej 1.9 milionë euro!

Qeveria e Kosovës ka miratuar sot propozim/vendimin për financimin e projektit të rinovimit të stadiumit në qytetin tonë, një projekt i shumëpritur që do të përfshijë: Mbulesën e të gjitha tribunave dhe ndriçimin e fushës sipas standardeve të UEFA-s (Kategoria 3).

Faleminderit Kryeministrit Albin Kurti, Ministrit Hajrullah Çeku dhe Qeverisë së Kosovës për këtë përkrahje të madhe për sportin në Podujevë.
Urime gjithë tifozëve dhe sportistëve!