Ekskluzive: Ky është i dyshuari për sulmin ndaj deputetit

Burime të Sinjalit konfirmojnë identitetin e personit të dyshuar për sulmin fizik ndaj deputetit të Kuvendit të Kosovës bashkëshortes dhe vajzës së tij të mitur.

I dyshuari është Safet Kuši, rreth 61-vjeçar, banor i fshatit Zlipotok, ku edhe ndodhi incidenti më 1 gusht 2025, rreth orës 18:10.

Ngjarja u raportua fillimisht nga QKMF-ja e Dragashit, ku viktimat u paraqitën me lëndime trupore, për t’u dërguar më pas në Spitalin Rajonal të Prizrenit, ku u konstatua se bëhej fjalë për lëndime të lehta.

Ky është deputeti i sulmuar: Lajmi i fundit: Sulmohet deputeti i Kuvendit të Kosovës – bëhet për spital

Motivi i sulmit ndaj deputetit dhe familjes së tij ende nuk është konfirmuar zyrtarisht, ndërkohë që rasti po trajtohet me ndjeshmëri të lartë nga autoritetet hetimore.

Me urdhër të Prokurorit Kujdestar, ndaj Safet Kušit është iniciuar rasti “Lëndim i lehtë trupor” dhe i njëjti është ndaluar për 48 orë. Hetimet janë në zhvillim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.