Ky është personi i arrestuar në Sunny Hill

Atmosfera festive në natën e 2 gushtit në festivalin Sunny Hill në fshatin Bernicë të Prishtinës është prishur për një person, i cili përfundoi në pranga nën dyshimet për konsumim dhe posedim të substancave narkotike.

Gazeta Sinjali mëson se i dyshuari është Alban Gashi, rreth 30-vjeçar, i cili u kap nga zyrtarët policorë të angazhuar në planin operativ të festivalit, teksa dyshohet se ishte duke konsumuar drogë në vendin e ngjarjes.

Pas ndalimit dhe kontrollit trupor, Policia ka gjetur dhe sekuestruar dy lloje substancash të dyshuara narkotike: Rreth 0.5 gramë pluhur të bardhë, që dyshohet të jetë kokainë, rreth 0.3 gramë substancë e gjelbër, që dyshohet të jetë marihuanë.

Në konsultim me prokuroren kujdestare, rasti është cilësuar si “Posedim i paautorizuar i substancave narkotike, psikotrope apo analoge“.

Pas intervistimit në prezencë të avokatit, ndaj të dyshuarit është shqiptuar masa e ndalimit për 48 orë, ndërsa hetimet janë duke vazhduar.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.