Ky është personi që shtiu me armë në aheng familjar

Gazeta Sinjali ka siguruar identitetin e personit që dyshohet se ka shtënë me armë zjarri mbrëmjen e 2 gushtit 2025, në një aheng familjar në fshatin Terstenik të Drenasit.

Burime të sigurta bëjnë me dije se i dyshuari është: Pellumb Kurtaj rreth 32-vjeçar.

Sipas Policisë, rreth orës 21:45, është raportuar për të shtëna me armë zjarri, pas së cilës patrulla ka intervenuar në lagjen Cakiqi, ku po mbahej ahengu. I dyshuari është dorëzuar vullnetarisht dhe ka pranuar se ka shtënë me armë.

Në vendin e ngjarjes janë sekuestruar si prova materiale: • Një pistoletë me gaz me mbishkrim Zoraki 917-T. • Një karikator • Katër (4) fishekë. Me urdhër të Prokurorit kujdestar, rasti është iniciuar për veprat penale: • “Mbajtje në pronësi, kontroll ose posedim i paautorizuar i armës” • “Përdorim i armës apo mjetit të rrezikshëm”.

I dyshuari është liruar në procedurë të rregullt, ndërsa hetimet janë në vazhdim.

Sinjali do të raportojë për çdo zhvillim të mëtejshëm.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.