EKSKLUZIVE: Ky është personi që gjuajti me armë nga vetura

Një incident i rrezikshëm është regjistruar në orët e para të mëngjesit të së dielës në fshatin Landovicë – Prizren, ku një person ka shtënë me armë zjarri nga një veturë në lëvizje, duke rrezikuar sigurinë publike.

Gazeta Sinjali mëson se rreth orës 04:00 të datës 3 gusht 2025, është raportuar një automjet i tipit Passat me targa të huaja që po qarkullonte dhe po qëllonte në drejtim të qiellit nga dritarja e veturës.

Menjëherë pas marrjes së informatës nga patrullat policore kanë identifikuar dhe ndalur automjetin në rrugën Ismail Kryeziu.

Gjatë kontrollit të veturës, në sediljen e pasme, pikërisht aty ku ishte ulur personi i dyshuar, është gjetur arma e zjarrit e përdorur, e cila u sekuestrua në vendngjarje.

I dyshuari është identifikuar si: • Xhafer Brahaj rreth 23-vjeçar. Në vendin e ngjarjes kanë dalë hetuesit dhe forenzika, ndërsa me urdhër të Prokurorit të Shtetit, ndaj të dyshuarit është iniciuar rasti për tri vepra penale: • “Mbajtje në pronësi, kontroll ose posedim të paautorizuar të armës” • “Shkaktim i rrezikut të përgjithshëm” • “Përdorimi i armës apo mjetit të rrezikshëm”.

Hetimet janë në zhvillim dhe Sinjali do të sjell të rejat më të fundit nga ky rast.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.