Keqtrajtimi i lehonave në Klinikën e Gjinekologjisë – Sonte në Kiks Kosova 
Kërkohet ndihma e qytetarëve për gjetjen e Enver Bajraktarit 
Aksident në rrugën Podujevë – Prishtinë 
Ilir Metës i komunikohet sot mbyllja e hetimeve 
Policia e Kosovës në kërkim të dy personave 
Prokurori Sotir Kllapi pritet që sot, në orën 11:00, t’i komunikojë zyrtarisht mbylljen e hetimeve ndaj ish-presidentit të Shqipërisë dhe kreut të Partisë së Lirisë, Ilir Meta.
Lajmi është konfirmuar nga avokati i tij, Kujtim Cakrani, i cili ka bërë me dije për “Top Channel” se do të jetë i pranishëm në seancë bashkë me klientin e tij, Ilir Metën, i cili do të transportohet nga burgu 313 drejt ambienteve të SPAK.
Ky veprim pritej të ndodhte javën e kaluar, por për shkak se avokati i Metës ndodhej jashtë vendit, komunikimi i mbylljes së hetimeve u shty për fillimin e kësaj jave.
Më herët, më 27 maj, Metës i ishin komunikuar akuzat, ndërkohë që mbyllja e hetimeve është bërë e ditur edhe për emra të tjerë të përfshirë në këtë çështje, përfshirë Monika Kryemadhin, Pirro Xhixhon, Ema Cokun dhe Fatime Kryemadhin.
Tashmë pritet të shihet nëse pas këtij komunikimi, çështja do të dërgohet për gjykim, apo do të ketë zhvillime të tjera nga ana e mbrojtjes.
