Ekskluzive: Ky është zyrtari i Ministrisë së Infrastrukturës i arrestuar në aksionin e sotëm

Gazeta Sinjali mëson ekskluzivisht se në mesin e të arrestuarve në aksionin e ndërmarrë sot nga Policia në bashkëpunim me Prokurorinë Themelore në Prizren është edhe një zyrtar i Ministrisë së Infrastrukturës.

Bëhet fjalë për Ramadan Paqarrizin, i njohur si Dan Paqarrizi, i cili mban pozitë në Qendrën për Patentë Shofer në Prizren, që operon nën varësinë e kësaj ministrie.

Ai dyshohet për përfshirje në veprime të kundërligjshme, në kuadër të një hetimi më të gjerë që solli në pranga edhe Kolonelin Nexhmi Krasniqi.

Zyrtari është ndaluar me urdhër të prokurorit dhe ndaj tij kanë nisur procedurat hetimore. Gazeta Sinjali do të sjell detaje të reja në vijim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.