Dyshohet se mërgimtari e sulmoi një të ri në dalje të autostradës
Një incident i dhunshëm dyshohet të ketë ndodhur sot në dalje të autostradës në Suharekë, ku një person është sulmuar nga një tjetër, i cili dyshohet se është mërgimtar.
Pamjet e siguruara nga Klankosova.tv tregojnë momentin e tensionuar, ndërsa bëhet e ditur se viktima ka pësuar edhe dëmtime materiale, pasi i është dëmtuar vetura gjatë incidentit.
Viktima ka kërkuar ndihmë mjekësore menjëherë pas ngjarjes, ndërkohë që rasti është raportuar në Polici.
Klan Kosova ka kontaktuar me Policinë e Kosoves lidhur me këtë ngjarje, por deri në momentin e publikimit të këtij artikulli, Policia nuk ka dhënë informacione zyrtare mbi motivin apo detajet tjera të rastit.
Motivi i sulmit mbetet ende i panjohur.
Video si në vijim:
