Zyrtare: Thomas Muller nënshkruan me këtë ekip, i jep fund epokës me Bayernin

Vancouver Whitecaps kanë njoftuar zyrtarisht nënshkrimin e Thomas Muller, duke shënuar fundin e një epoke legjendare te Bayern Munich.

Muller e konfirmoi gjithashtu transferimin përmes rrjeteve sociale, duke ndarë emocionet e tij për këtë kapitull të ri në karrierë.

Sulmuesi 35-vjeçar, i cili e kaloi të gjithë karrierën e tij si profesionist te Bayern, kalon në Major League Soccer duke iu bashkuar klubit kanadez me një marrëveshje që pritet ta sjellë përvojën e tij të jashtëzakonshme dhe lidershipin në fushë përtej Atlantikut.

Müller largohet nga Bayern si një ikonë e vërtetë e klubit, me 33 trofe të fituar, përfshirë 12 tituj të Bundesligës dhe dy Liga të Kampionëve.

I njohur për inteligjencën në fushë, lëvizjet e zgjuara dhe rolin e tij unik si “Raumdeuter”, ai ka zhvilluar mbi 660 paraqitje dhe ka shënuar mbi 230 gola për bavarezët.