Kurti me fjalë miradije për mërgatën

Në kuadër të aktiviteteve verore, Lëvizja VETËVENDOSJE! ka mbajtur një takim me mërgatën, ku morën pjesë Kryeministri Albin Kurti dhe Ministri i Kulturës, Rinisë dhe Sportit, Hajrulla Çeku, kandidat për kryetar të Prishtinës, raporton PodujevaSot.net.

Ministri Çeku vlerësoi kontributin e mërgatës si thelbësor për zhvillimin e vendit dhe theksoi nevojën për angazhim të tyre edhe në zgjedhjet lokale të tetorit.

Kryeministri Kurti theksoi se mërgata nuk është prezente vetëm gjatë pushimeve, por edhe gjatë gjithë vitit, përmes investimeve dhe pjesëmarrjes në procese demokratike. Ai tha se vota nga diaspora ndihmon në ndërtimin e komunave me udhëheqës të ndershëm dhe largimin e atyre që i shohin institucionet si pronë private, raporton PodujevaSot.net.

Në takim u bë thirrje për regjistrim për votim nga jashtë dhe për mobilizim më të madh të bashkatdhetarëve në procesin zgjedhor.