Aksident i rëndë – 18 vjeçari pëson lëndime të rënda

Një aksident i rëndë trafiku ka ndodhur mbrëmjen e djeshme, më 6 gusht 2025, rreth orës 18:40, në kryqëzimin e rrugëve “Kemal Sejfula” dhe “Pavle Iliç” në Shkup.

Në aksident janë përfshirë një veturë e tipit “Seat Ibica”, e drejtuar nga B.M. (44 vjeç), dhe një motoçikletë “Longia” që drejtohej nga D.D. (18 vjeç). Si pasojë e përplasjes, motoçiklisti i ri ka pësuar lëndime të rënda trupore dhe është dërguar me urgjencë në Spitalin “Shën Naum Ohridski” për trajtim mjekësor.

Policia e Shkupit njofton se ekipi hetimor i SPB Shkup ka dalë në vendngjarje dhe ka nisur procedurat hetimore për zbardhjen e plotë të rrethanave që çuan në aksident.

Për më shumë informacione rreth gjendjes së të lënduarit dhe ecurisë së hetimeve, podujevasot.net do të raportojë në vijim.