Bllokojnë dy shiritat e rrugës për dasmë, përgjegjësi gjobitet me 300 euro

Një rrugë në Prizren është bllokuar tërësisht për shkak të një gazmendi familjar, duke penguar qarkullimin normal të automjeteve. Ngjarja ka ndodhur më 6 gusht rreth orës 16:40 në rrugën “Alush Kryeziu”, ku qytetarët kanë raportuar në Polici për pengesën në të dy shiritat e komunikacionit, raporton Gazeta Sinjali.

Sipas njoftimit të Policisë së Kosovës, njësiti patrullues i Stacionit Policor në Prizren ka dalë në vendin e ngjarjes dhe ka identifikuar personin përgjegjës.

Ky i fundit kishte prezantuar një leje komunale për përdorim të njërës korsi të rrugës, por vetëm për një orar të caktuar – nga ora 09:30 deri në 10:30.

Si pasojë, policia ka shqiptuar një gjobë prej 300 eurosh ndaj organizatorit, në përputhje me legjislacionin në fuqi, dhe ka ndërmarrë masat për lirimin e rrugës dhe normalizimin e qarkullimit.