EKSKLUZIVE: Ky është personi që u arratis nga burgu

Një person është arratisur nga qendra e paraburgimit në Mitrovicën e Veriut.

Policia e Kosovës përmes një komunikate ka njoftuar se i arratisuri është Dorde Radomiroviq, ndërsa ka kërkuar ndihmën e qytetarëve për gjetjen e tij.

Sipas informacioneve të dhëna nga Policia, Radomiroviq është arratisur rreth orës 15:45.

Policia thuhet se ka nisur menjëherë kontrollet, por akoma nuk e ka gjetur të dyshuarin.

“Sot me 07.08.2025 rreth orës 15:45 jemi njoftuar se nga Qendra e Paraburgimit ne Mitrovice Veri një person është arratisur. Policia menjëherë ka marr masat duke ngrit pika statike te kontrollit ne tere veriun e vendit dhe duke kontrolluar edhe fizikisht zonën për rreth qendrës se Paraburgimit. Ne këtë kohe ne ende jemi ne kërkim te personit ne fjale ndërsa kemi angazhuar edhe njësi te specializuara ( njësia Policore me qen- K9 ) Lusim qytetaret qe te kenë mirëkuptim derisa jemi ne operacion dhe po ashtu ne rast se hasin ne kete person te thërrasin ne numrin 192 ose te lajmërojnë ne stacionin me te afërt.

Detajet e personit dhe vepra për te cilën kërkohet janë te paraqitura ne dokumentin e bashkangjitur. Shërbimi Korrektues tashme ka lëshuar një komunikatë për media e cila mund te gjendet ne linkun e bashkangjitur me poshtë”, thuhet në komunikatë.