EKSKLUZIVE: Kontrabandë në Dumnicë të Podujevës

Policia Kufitare e Kosovës ka zbuluar dhe ndaluar dy raste të veçanta të kontrabandës me kafshë në zonën kufitare me Serbinë, konkretisht në fshatin Dumnicë të Podujevës, më 8 gusht 2025, rreth orës 08:00.

Sipas njoftimit të Policisë në Facebook, operacioni u zhvillua në kuadër të Planit Operativ “Parandalimi 2025”, ku njësitë patrulluese ndaluan një traktor me rimorkio dhe një automjet. Gjatë kontrollit, autoritetet konfiskuan 810 pula të gjalla dhe pesë kafshë të imëta.

Dy personat e dyshuar, të dy shtetas të Kosovës, u arrestuan dhe u intervistuan në prani të organeve kompetente, por më pas janë liruar në procedurë të rregullt.

Ndaj tyre po zhvillohen hetime për veprat penale “kalim i paautorizuar i vijës kufitare” dhe “kontrabandë me mallra”.