Abdixhiku takohet me ambasadorin britanik pas vendimit të Kushtetueses

Kryetari i Lidhjes Demokratike të Kosovës, Lumir Abdixhiku, është takuar sot me Ambasadorin e Mbretërisë së Bashkuar në Kosovë, Jonathan Hargreaves.

Abdixhiku ka thënë se kanë diskutuar lidhur vendimin e Gjykatës Kushtetuese lidhur me situatën e krijuar në Kuvend  dhe qëndrimin e LDK’së ndaj kësaj çështjeje, shkruan Reporteri.net.

“Theksova para ambasadorit Hargreaves se vendimi i sotëm i Gjykatës përbën një fitore të madhe për demokracinë dhe për Republikën tonë. Ky vendim konfirmon plotësisht të drejtën e kërkesës dhe lëndës që ne e kemi dorëzuar si LDK – dhe përforcon qëndrimin tonë të qartë, të mbajtur që nga dita e parë: se demokracia nuk mund të shtypet, e Kushtetuta nuk mund të shkelet”, ka shkruar Abdixhiku.

Në fund ka thënë se ka shprehur mirënjohje për mbështetjen e vazhdueshme që Mbretëria e Bashkuar i ka dhënë dhe vazhdon t’i japë Republikës së Kosovës./Reporteri.net