LAJMI I FUNDIT: Një person gjendet i vdekur në pyll

Një ngjarje e rëndë është raportuar dje në fshatin Bellanicë të Malishevës, ku një burrë është gjetur i pajetë në një zonë pyjore.

Burime të Sinjalit bëjnë të ditur se viktima është 63 vjeçar, i cili është gjetur nga familjarët rreth orës 17:20 në vendin e quajtur “Tishan”, mes fshatrave Bellanic dhe Ngucat.

Në vendin e ngjarjes kanë dalë njësitë relevante të Policisë së Kosovës nga Stacioni Policor Malishevë dhe Hetimet Rajonale të DRP-Gjakovë. Hetimet e para dyshojnë se bëhet fjalë për vetëvrasje me armë zjarri (pistoletë).

Një ekip mjekësor nga QKMF-Malishevë ka konstatuar vdekjen e viktimës, ndërsa me urdhër të prokurorit kujdestar për krime të rënda, trupi i pajetë është dërguar në IML-Prishtinë për obduksion.

Rasti është cilësuar si “Hetim i Vdekjes” dhe po hetohet nga autoritetet kompetente.