LAJMI I FUNDIT: Therje me thikë, viktimat dy vajza të reja

Një përleshje e dhunshme mes të miturve është regjistruar mbrëmë në rrugën “Pajazit Nushi” në Gjakovë, që përfundoi me therje me thikë dhe plagosjen e dy të rinjëve.

Burime të Sinjalit bëjnë të ditur se në këtë incident janë përfshirë katër persona të dyshuar me lidhje familjare mes tyre: E.Ll, rreth 26-vjeçar, një i mitur me inicialet E.Ll., rreth 17-vjeçar dhe E.Ll , rreth 20-vjeçare. Viktimat janë identifikuar si S.A., rreth 18-vjeçare dhe A.A., rreth 13-vjeçare.

Sipas hetimeve, gjithçka nisi pas një mosmarrëveshjeje, e cila u përshkallëzua në konfrontim fizik mes Elvira Llukacit dhe të miturit E.Ll me dy viktimat. Në kulmin e konfliktit, Elvir Llukaci, në shenjë revolte, dyshohet se e goditi me thikë S.A., duke i shkaktuar lëndime të lehta trupore.

Të dy viktimat kanë marrë tretman mjekësor.

Me urdhër të prokurorit kujdestar: ndaj Elvir Llukacit është iniciuar rasti “Mbajtje në pronësi, kontroll ose posedim të paautorizuar të armëve (thikë)” dhe “Lëndim i lehtë trupor”, duke u ndaluar për 48 orë; ndaj Elvira Llukacit është iniciuar rasti “Sulm”, duke u liruar në procedurë të rregullt; ndaj të miturit E.Ll është iniciuar rasti “Lëndim i lehtë trupor”, duke u ndaluar për 24 orë.

Thika e përdorur në incident është sekuestruar nga policia.