Tri orë pritje në hyrje e dalje të Kroacisë në Bajakovë

Sipas të dhënave të fundit nga Autoklubi Kroat (HAK), udhëtarët që planifikojnë të hyjnë ose të dalin nga Kroacia duhet të përgatiten për pritje të gjata në pikat kufitare.

Situata më e rëndë raportohet në pikën kufitare Bajakovë, ku pritjet për hyrje dhe dalje në Kroaci arrijnë deri në tre orë. Ky kufi është një nga akset kryesore të trafikut, prandaj fluksi i madh i automjeteve ka krijuar radhë të gjata.

Ndërkohë, pritje të konsiderueshme ka edhe në pikën kufitare të Tovarnik. Për ata që dëshirojnë të hyjnë në Kroaci, pritja është rreth dy orë, ndërsa për daljen nga vendi, radha shkon deri në një orë.