Kanabis në këtë fshat të Podujevës

Policia në Podujevë ka zbuluar pesë bimë të dyshuara narkotike gjatë një kontrolli në fshatin Peran, pas dyshimeve për kultivim të kanabisit.

Burime të Sinjalit bëjnë të ditur se rasti është raportuar rreth orës 13:20, kur njësia e hetimeve të Stacionit Policor Podujevë ka pranuar informacione se një person po kultivonte bimë narkotike.

Në koordinim me prokurorin kujdestar për krime të rënda dhe me pëlqimin e pronarit të shtëpisë, është kryer kontrolli i shtëpisë dhe objekteve përcjellëse.

Gjatë kontrollit janë gjetur pesë bimë të dyshuara kanabisi, me gjatësi rreth 35 cm dhe peshë totale 17.00 gram, të cilat janë sekuestruar.

I dyshuari, i intervistuar në prani të avokatit, ka mohuar se bimët janë të tij dhe se merret me kultivim.

Me urdhër të prokurorit, rasti është iniciuar si “Kultivimi i bimës së hashashit, shkurres së kokainës ose bimëve të kanabisit”.