Bajqinovci thotë se opozitës i ka humbur koncentrimi: Liberalizimi ka ndodhë pardje

Deputeti i Lëvizjes Vetëvendosje, Mefail Bajqinovci ka ironizuar me deklaratat e fundit të opozitës, për të cilët thotë se janë të shqetësuar për liberalizimin e vizave.

Sipas Bajqinovcit, opozita një here thotë se liberalizimi është meritë e të gjithëve, e një here thotë se kryeministri Kurti ka hyrë në negociata për asociacionin, në këmbim të liberalizimit.

“Opozitës i ka humbur koncentrimi. S’po mund të zënë vend askund. Pse e kanë këtë siklet, ata e dinë më mirë! Anipse liberalizimi dhe shampanja ka ndodhur pardje” ka shkruar Bajqinovci në facebook.

Ky është postimi i plotë i tij:

Filluan shqetësimet e opozitës për liberalizimin e vizave. Njëherë thonë se është meritë e të gjithëve, e sidomos e opozitës. Tash po thonë se Albini ka hyrë në negociata për asociacionin në këmbim të liberalizimit të vizave. Opozitës i ka humbur koncentrimi. S’po mund të zënë vend askund. Pse e kanë këtë siklet, ata e dinë më mirë! Anipse liberalizimi dhe shampanja ka ndodhur pardje.