Policia zbarkon në një shtëpi, arrestohet një person për armë ilegale

Nuk janë të rralla rastet kur të rinjtë mbajnë armë pa leje, gjë që vazhdimisht po e cenon sigurinë e qytetarëve të vendit si dukuri negative. Një rast i tille është zbuluar gjatë ditës së djeshme, në fshatin “Bordosan” në Gjakovë, gjatë kontrollimit në një shtëpi.

Sinjali mëson se është kryer bastisje në shtëpinë e një 22-vjeçarit, pasi i njëjti dyshohej se posedon armë ilegale. Në shtëpinë e tij u gjet një armë zjarri e cila është sekuestruar nga Policia.

Për shkak të posedimit të armës, ai është shoqëruar në stacion policor, ku është intervistuar nga hetuesit policorë.

Ndryshe, “Kushdo që mban në pronësi, kontrollon ose posedon armë në kundërshtim me ligjin ë zbatueshëm lidhur me armë të tilla, dënohet me gjobë deri në shtatëmijë e pesëqind (7,500) Euro ose me burgim deri në pesë (5) vjet.