Memli Krasniqi reagon pas vrasjes së trefishtë në Gjilan

Kryetari i Partisë Demokratike të Kosovës (PDK), Memli Krasniqi, ka reaguar pas ngjarjes tragjike që ndodhi sot në Gjilan, ku humbën jetën tre persona.

Ai e ka cilësuar këtë ngjarje si një dhimbje të madhe për gjithë vendin dhe një alarm të ri për pasigurinë e rritur në vitet e fundit në Kosovë.

“Institucionet duhet të veprojnë shpejt për t’i sjellë autorët para drejtësisë, por edhe për të rikthyer sigurinë dhe besimin e qytetarëve,” ka shkruar Krasniqi.

Ai gjithashtu ka shprehur ngushëllimet më të sinqerta për familjet e viktimave.