Policia ia zë derën llapjanit që shtiu me armë

Një person nga Podujeva është proceduar penalisht pasi është kapur nga një video-incizim duke shtënë me armë zjarri në oborrin e shtëpisë së tij.

Më 10 gusht, i dyshuari është intervistuar në prani të avokatit dhe nga ai është sekuestruar një pistoletë e tipit Zoraki, me një karikator dhe tre fishekë që dyshohet të jenë me gaz.

Në vendngjarje është gjetur dhe sekuestruar edhe një gëzhojë, që dyshohet të jetë e së njëjtës arm.

Me urdhër të prokurorit të Departamentit të Përgjithshëm, ndaj tij është iniciuar rasti “Mbajtja në pronësi, kontroll ose posedim i paautorizuar i armëve”.