Kapet i dyshuari që vodhi veturën në Podujevë

Një veturë e tipit VW Passat, me vlerë rreth 4 mijë euro, është vjedhur në orët e para të 9 gushtit në fshatin Gllamnik të Podujevës.

Policia ka arritur të identifikojë dhe arrestojë personin e dyshuar, si dhe ta rikthejë automjetin te pronari.

Rasti është raportuar gjatë natës, kur pronari ka vërejtur se automjeti i tij nuk ndodhej më në parkingun ku e kishte lënë.

Pas hetimeve, policia ka gjetur veturën të parkuar në një lokal në Fushë Kosovë.

Automjeti është sekuestruar dhe i është kthyer pronarit, ndërsa pronari i lokalit është marrë në pyetje si dëshmitar.

Me urdhër të prokurorit, rasti është cilësuar si “Vjedhje”. Gjithashtu, është konstatuar se i dyshuari ka pasur urdhër-arrest të mëparshëm nga policia.