Barcelona shet biletat për ndeshjen ndaj Inter

Barcelona ka shitur të gjitha biletat për ndeshjen e fazës së grupeve të Champions League ndaj Interit. Kapaciteti i stadiumit është 98 mijë ulëse dhe pothuajse të gjitha do të jenë të mbushura të mërkurën mbrëma.

Kujtojmë që ndeshjen e parë në mes Interit dhe Barcës e fitoi skuadra italiane me rezultat 1-0 me golin e Hakanit. Ndërsa të dy skuadrat kanë lëshuar pikë në ndeshjet ndaj Bayern, pasi gjermanët i kanë mposhtur të dy skuadrat.

Deri më tani, Interi është në vendin e dytë ndërsa Barcelona në të tretin. Ndeshja Inter vs Barcelona do të jetë shumë e rëndësishme për Barcelonën, nëse dëshirojnë kalimin e grupit.

Vitin e kaluar Barça kishte probleme në grupe dhe u eliminua në fazën e grupeve, duke shkuar kështu në Europa League. Ndërsa në këtë vit pritet të jetë diçka më ndryshe, pasi Barcelona ka bërë disa transferime të rëndësishme për ta kthyer titullin e La Ligas si dhe për të konkuruar në Ligën e Kampionëve.