Prindi i del në krah djalit, kërcënon zyrtarin policor

Për shkak të pakënaqësive për gjobat e shqiptuara në trafik, qytetarët e Kosovës shpesh bëjnë veprime agresive në drejtim të policëve.

Pikërisht një rast i tillë ka ndodhur edhe në Mitrovicë gjatë ditës së djeshme. Në Mitrovicë zyrtarët policor kanë shqiptuar gjobë për kundërvajtje në trafik ndaj një të riut, por më pas kanë pasë edhe përballje me prindin e të riut.

Prindi i të riut që iu shqiptuar gjoba ofendoi rëndë policët si dhe kërcënoi, po që më pas u arrestua. Arrestimi i tij erdhi pikërisht pas kërcënimeve që bëri.

Pas përfundimit të të gjitha procedurave, ai u ndalua në mbajtje 48 orëshe.