LAJMI I FUNDIT: Mbytet një pushues në Vlorë

Një ngjarje e rëndë ka ndodhur sot në plazhin e vjetër të Vlorës, ku është gjetur i mbytur një shtetas rreth 70 vjeç.

Sipas të dhënave paraprake nga policia, viktima dyshohet të ketë qenë pushues, por ende nuk dihet nëse ishte banor i zonës apo turist.

Rrethanat e vdekjes mbeten të paqarta. Hetimet po vazhdojnë për të zbuluar nëse mbytja ka qenë aksidentale apo pasojë e një arresti kardiak gjatë notit.

Menjëherë pas marrjes së informacionit, në vendngjarje kanë mbërritur forcat e policisë dhe autoambulanca, e cila ka transportuar trupin e pajetë drejt morgut të spitalit rajonal të Vlorës.

Identiteti i 70-vjeçarit nuk është bërë ende i ditur.